Жамбыл облысында 8 наурыз – Халықаралық әйелдер күніне орай «Динамо» спорт кешенінде полицей әйелдер арасында жарыс өтті, – деп хабарлайды Polisia.kz.
Эстафетаға әйел полиция қызметкерлерінен құралған 7 команда қатысты.
Мерекелік іс-шараны Жамбыл облысы Полиция департаментінің бастығы Арманбек Баймурзин ашты. Өз сөзінде ол әйелдерді келе жатқан мерекемен құттықтап, қатысушыларға жақсы көңіл-күй мен адал бәсекелестік тіледі.
Жарыс 4 кезеңде өткізілді. Алдымен табельдік қаруды – Макаров тапаншасын жинау, 20 метрге жүгіру, содан кейін бір минутта кешенді-күштік жаттығуларды орындау қажет болды. Одан әрі әйелдер эстафеталық ойындарға қатысты. Жарыс армрестлинг сайысымен аяқталды, оған әр командадан бір спортшыдан қатысты.
Жарыс қорытындысы бойынша жалпы командалық есепте Жамбыл облысының Тараз қаласының Полиция басқармасы 2-полиция бөлімінің командасы алтын медаль алды, Тараз қаласы Полиция басқармасының командасы күміс және жеңімпаздар үштігінде Полиция департаменті аппаратының құрамасы қола медальға ие болды.
Жарысқа белсенді қатысқан келесі қызметкерлер арнайы дипломдармен және сыйлықтармен марапатталды: Жамбыл облысының Полиция департаменті Кадр саясаты басқармасының инспекторы Балжан Есеева, Жамбыл облысының Полиция департаменті Штабының аға инспекторы Назгүл Молдазым және басқалар.
