Қарағанды облысында әйел науқастың зергерлік бұйымдарын үптеп кетті, – деп хабарлайды Polisia.kz.
2 наурызда Қарағанды облысы Қаражал қаласының полиция бөліміне 38 жастағы әйелден арыз түсті. Арызданушы медициналық мекемелердің бірінде стационарлық емделуде болған.
Процедура барысында ол белгісіз біреу ұрлап кеткен үш алтын сақинаны қараусыз қалдырған. Келтірілген шығын көлемі 270 мың теңгені құрады.
Аталған факті бойынша ҚР Қылмыстық кодексінің 188-бабы (Ұрлық) бойынша қылмыстық іс қозғалды.
4 наурызда жедел-іздестіру іс-шаралары барысында криминалдық полиция қызметкерлері күдікті – 44 жастағы әйелді анықтап, ұстады. Күдікті кінәсін мойындады. Заттай айғақ алынды. Қазіргі уақытта тергеу амалдары жүргізілуде.
