Павлодар облысында әйел мас күйеуінің үстінен екінші рет шағым түсірді, – деп хабарлайды Polisia.kz.
Отбасылық-тұрмыстық қатынастар мәселесі өзекті. Мұндай қиындықтардың себептері әр отбасында әртүрлі. Бірақ бәріне ортақ ұқсастығы – бұл зорлық-зомбылық құрбанын қорғау, құқық бұзушыны жауапқа тарту және ұқсас фактілердің пайда болуының жолын кесу.
– Бірнеше күн бұрын Павлодар облысының Успенка ауылының полициясына әйел адам жүгінген. Бірінші шағымдануы емес. Ақпан айында ол өзін балағаттап, тіпті күш қолданған жұбайына шағымданған. Содан кейін сот оны ҚР ӘҚБтК 73-бабы (Отбасы-тұрмыстық қатынастар аясындағы құқыққа қарсы әрекеттер) бойынша әкімшілік жауапкершілікке тартып, қорғау нұсқамасын шығарған және сот мінез-құлықына да ерекше талаптар белгілеген, – деді Успен ауданының полиция бөлімінің бастығы Берік Оралов.
Бірақ мұның бәрі ер адамға әсер етпей, ол сот талаптарын бұзып, тыйым салынғанына қарамастан, мас күйінде әйеліне тағы келген. Қорқып, не істерін білмеген әйелге полицияның көмегіне жүгінуден басқа ештеңе қалмады.
Қазіргі уақытта ер адамға қатысты қорғау нұсқамасын бұзғаны үшін ҚР ӘҚБтК 461-бабы (Қорғау нұсқамасын бұзу) бойынша әкімшілік хаттама, сондай-ақ алкогольді тұтынуға тыйым салуға қатысты сот үкімін орындамағаны үшін ҚР ӘҚБтК 669-бабы (Сот үкiмiн, сот шешiмiн немесе өзге де сот актiсiн және атқарушылық құжатты орындамау) бойынша хаттама жасалды.
Айта кету керек, жәбірленушілердің 80%-ы өтініш жазғаннан кейін сотта агрессормен татуласады. Біраз уақыттан кейін олар қайтадан полицияға жүгінеді.
Полиция хабарлағандай, осы жылдың үш айында облыстың 940-қа жуық тұрғыны отбасылық-тұрмыстық қатынастар саласындағы заңнаманы бұзған.
