Ақмола тұрғыны алаяқтық қылмысын ашқан тергеушіге алғысын білдірді, – деп хабарлайды Polisia.kz.
Бурабай ауданының тұрғыны тергеушіге алғыс сөздерімен бейнежазба жазды.
– Атқарған жұмысыңыз үшін, кәсіби шеберлігіңіз үшін көп рақмет. Мен алаяқтыққа байланысты Бурабай ауданының полиция бөліміне жүгіндім. Тергеуші Аслан Құдайбергеновтің үйлесімді жұмысының арқасында менің барлық қаражатым қайтарылды, – делінген бейнежазбада.
Өткен жылдың жазында Бурабай ауданының тұрғыны полицияға жүгініп, белгісіз адамдар алдау жолымен оның атына екі млн теңгеге жуық несие рәсімдегенін хабарлады.
Қаскүнемдер өзін банк қызметкерлері ретінде таныстырып, сенімді ақмолалықты алдап, оның шотында күдікті операциялар байқалғанын айтқан. Олардың айтуынша, банк картасының мәліметтерін ұсыну және қашықтан кіру қосымшасын орнату арқылы олардың алдын алу қажет.
Жәбірленушінің атына несие рәсімдеп, олар ақшаны басқа шотқа аударды. Алайда тәртіпсіз азаматтар тергеуші Аслан Құдайбергеновтің сауатты іс-әрекетінің арқасында ақшалай қаражатты қолма-қол ақшаға айналдыра алмады.
А. Құдайбергенов өз уақытында екінші деңгейдегі банкке сұрау салды, содан кейін ақша аударылған шотқа тыйым салды. Бірқатар жедел-іздестіру шараларын жүргізгеннен кейін тергеуші ақша аударылған карта иесінің жеке басын анықтай алды.
Алматы қаласының тұрғыны алдау схемасының ерікті қатысушысы болғанын білмеген. Нәтижесінде, Бурабай ауданының тұрғынына рәсімделген несие жабылды. Қазіргі уақытта осы қылмысқа қатысы бар адамдарды анықтау бойынша іс-шаралар жалғасуда.
