Ұры 72 жастағы қарағандылықтың банк картасынан ақша ұрлап кетті, – деп хабарлайды Polisia.kz.
28 наурызда Қарағанды қаласының ПБ Жаңа Майқұдық полиция бөліміне 72 жастағы қала тұрғыны жүгінген. Зейнеткер банк картасын жоғалтып алғанын хабарлады. Біреу тауып алып, шоттан 104 мың теңгені аударып алған.
Қазақстан Республикасы Қылмыстық кодексінің 188-бабы (Ұрлық) бойынша қылмыстық іс қозғалды.
2 сәуірде жедел-іздестіру іс-шаралары барысында криминалдық полиция қызметкерлері күдікті ретінде 21 жастағы жас жігітті анықтап, ұстады. Ол мойындау көрсетпелерін берді. Банк картасы заттай дәлелдеме ретінде алынды. Қазіргі уақытта тергеу амалдары жүргізілуде.
