Өскемендік тұрғын қорасында аңшы мылтығын заңсыз сақтаған, – деп хабарлайды Polisia.kz.
Наурыз айының ортасында Өскемен қалалық ПБ Солжағалау ПБ криминалдық полиция қызметкерлері бау-бақша қоғамында тұратын 39 жастағы тұрғынды ұстады. Оның тұрғылықты жерін тінту кезінде қорасынан қаруға ұқсас зат табылды.
Маманның қорытындысына сәйкес, ер адамнан алынған зат ИЖ-18 үлгісіндегі тегіс ұңғылы аңшылық мылтығының кесіндісі, онда зауыттық нөмірлері жоқ, оқ атуға жарамды 12 калибрлі атыс қаруы болып саналады.
Ер адам бұл азаматтық қарудың иесі ретінде тіркелмегені анықталды.
Қаскөйге қатысты шақыру бойынша келу міндеттеме мәжбүрлеу шарасы таңдалды.
Аталған факті бойынша ҚР ҚК-нің 287-бабы 3-бөлігі (Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру) бойынша сотқа дейінгі тергеу жүргізілуде. Осы баптың санкциясымен 5 жылға дейінгі мерзімге бас бостандығынан айыру түріндегі жаза көзделген.
