ШҚО-да 20 жастағы қыз тергеудегі сүйіктісіне телефон өткізбек болды, – деп хабарлайды Polisia.kz.
Шығыс Қазақстан облысы бойынша ОВ-156/1 мекемесінде режим және қауіпсіздік басқармасының қызметкерлері тыйым салынған затты, яғни ұялы телефонды өткізу әрекетінің жолын кесті. Смартфон түйіршіктелген бос шай пакетінде жасырылған.
Демалыс күні сүйіктісін азық-түлік бағдарламасымен қуантуға бел буған 20 жастағы жас қыз ұялы телефонын фольгаға орап, оны шай салынған пакетке тығып қойды.
Алайда азық-түлік өнімдерін тексеру кезінде жасырылған телефон табылып, тәркіленді. Қыз тыйым салынған затты беру әрекеті фактісін жоққа шығармады, мекеме басшысының атына жазбаша түсініктеме берді.
Аталған факті бойынша Қазақстан Республикасы ӘҚБтК-нің 481-бабының 1-бөлігімен кейіннен тиісті қаулы шығарылып, сотқа жолдау үшін тиісті материал жиналды.
