Нұр-Сұлтан қаласының ПД «Сарыарқа» ауданы ПБ криминалдық полиция қызметкерлері жедел-іздестіру іс-шараларын жүргізу кезінде 20 жастағы жігітті ұстады, – деп хабарлайды Polisia.kz.
Қаскүнем кілтті сәйкестендіру арқылы тұрғын үйге кіріп, иелерінің жұмыста болғанын пайдаланып, ұрлық жасағаны анықталды. Ол Samsung А-10 ұялы телефонын, қымбат тастары бар алтын зергерлік әшекейлерді ұрлап үлгерген.
Аталған факті бойынша ҚР ҚК 188-бабына сәйкес сотқа дейінгі тергеу амалдары жүргізілуде. Күдікті өз кінәсін мойындады, заттай айғақ тәркіленді, оның елорда аумағында бұрын жасалған осыған ұқсас қылмыстарға қатыстылығы тексерілуде.
