Таразда 25 жылытқыш радиаторын ұрлаған күдіктілер құрықталды, – деп хабарлайды Polisia.kz.
Тараз қаласы Полиция басқармасының Жедел басқару орталығына 42 жастағы қала тұрғыны соғылып жатқан медициналық орталықтың жұмысшылары сөз байласып, 25 жылытқыш радиаторын ұрлағандығы жайлы арызданды. Келтірілген шығын көлемі 789 мың теңгені құрайды.
Полиция қызметкерлерімен жедел-іздесту жұмыстары нәтижесінде 61 және 62 жастағы қала тұрғындары анықталып, ұсталды.
Ұрланған жылытқыш радиаторларын сату арқылы күдіктілер табыс тапқылары келген.
Аталған дерек бойынша ҚР ҚК-нің 188-бабының 2-тармағымен (Ұрлық) тергеу амалдары жүргізілуде.
