Биыл Қостанай облысындағы жолдарда 62 жарықдиодты жаяу жүргіншілер өткелі орнатылды. Бұл туралы Қостанай облысы ПД әкімшілік полициясының қызметкері Серік Қадырбаев мәлімдеді, – деп хабарлайды Polisia.kz.
Полицияда жол қозғалысы қауіпсіздігі саласында енгізіліп жатқан инновациялар биыл жаяу жүргіншілерді қағып кету фактілерін 20%-ға төмендетуге мүмкіндік бергенін атап өтті.
Жыл басынан бері облыста осындай 95 факті тіркелді. Жаяу жүргіншілердің кінәсінен 15 ЖКО тіркелді, онда 5 жаяу жүргінші қаза тауып, 10 адам жараланды.
– Полиция жол қозғалысына қатысушылармен профилактикалық жұмысты жалғастыруда. Облыс орталығында патрульдік машина дауыс зорайтқыш құрылғының көмегімен тұрғындарды жол қозғалысы ережелерін сақтау қажеттігі туралы ескертеді, – деп атап өтті полиция қызметкері.
Мысалы, Лисаков қаласында Мәңгілік Ел-Мир көшелерінің қиылысында (айналмалы қозғалыспен) жаяу жүргіншілер өткеліне инновациялық жарықтандыруды орнату жол қауіпсіздігінің жай-күйіне оң әсер етті. Бұл осы аймақта жаяу жүргіншілердің жолдан қауіпсіз өтуін қамтамасыз етеді. Мұнда жаяу жүргіншілерді қағып кету туралы бірде-бір факті тіркелген жоқ.
Биылғы жылы мұндай жарықтандыру тағы екі жаяу жүргіншілер өткеліне орнатылды. Осылайша, қалалық жолдардың сегіз учаскесінде жол қозғалысы инновация арқылы реттеледі. Меңдіқара ауданында биыл жарық модульдерімен жабдықталған екі жаяу жүргіншілер өткелі, оның ішінде жаяу жүргіншіге соққы жасалған жол учаскесінде орнатылды. Мұнда тағы бір осындай жаяу жүргіншілер өткелін орнату жоспарлануда.
– Жол қозғалысы қауіпсіздігін қамтамасыз ету және жол инфрақұрылымын жақсарту үшін жергілікті атқарушы органдарға жол қозғалысын ұйымдастыруды жетілдіру бойынша 227 ұсыныс жолданды, – деп атап өтті Серік Қадырбаев.
Биылғы жылы Бородин көшесінде №5 орта мектеп ауданында реттелетін бір жаяу жүргіншілер өткелі қоңырау түймесімен жабдықталған.
Сондай-ақ Қарбышев пен Полевая және Абай-Наримановская көшелерінің қиылысында бағдаршам объектілерін шақыру түймесімен жабдықтау жұмыстары басталды.
