Қызылордада велосипед ұрлаған күдікті ұсталды, – деп хабарлайды Polisia.kz
Қызылорда қаласы Полиция басқармасының «102» жедел арнасына қала тұрғыны ұрлық туралы хабарлама берді.
5 қараша күні сағат 12:00-13:00 шамасында белгісіз біреу дүкен алдында тұрған сұр түсті Фон Х үлгісіндегі құны 55 мың теңге тұратын велосипедін ұрлап кеткен.
Жедел-іздестіру іс-шараларын жүргізу кезінде басқарманың криминалдық полиция бөлімшесінің жедел уәкілдері «ізін суытпай» күдіктіні анықтады. Күдікті ұрланған мүлікті иесіне қайтарып берді.
Аталған дерек, Қазақстан Республикасының ҚК-нің 188-бабының 1-бөлігі (Ұрлық) бойынша сотқа дейінгі тергеп-тексеру жұмыстары жүргізілуде.
