Қызылорда облысы ПД бастығы республикалық турнирде жүлделі орын алған Ғайни Нұрмаханды құттықтады, – деп хабарлайды Polisia.kz.
Бүгін Қызылорда облысы Полиция департаментінің бастығы Мұхтар Қожабаев қоян-қолтық ұрыстан жүлдегер атанған полиция қызметкері Ғайни Нұрмаханды қабылдап, жеңісімен құттықтады.
Қазақстан Республикасы Қорғаныс министрінің кубогына қоян-қолтық ұрыстан республикалық турнир Астана қаласында өткен болатын. Аталмыш турнирде әйелдер арасында 52 келіге дейінгі салмақ дәрежесінде Қызылорда облысы Полиция департаментінің қызметкері Ғайни үшінші орынды иеленді.
Қызылорда облысы Полиция Департаментінің бастығы республикалық деңгейде Қызылорда облысының намысын қорғап, қызметімен қатар спортқа да үлгеріп жүрген қызметкерді құттықтап, отбасына бақ-береке, жұмысына толағай табыс тіледі.
