ҚР Парламенті Сенатының депутаттары Астана қаласы полиция департаментінің бөлімшелеріне барды, – деп хабарлайды Polisia.kz.
Халық қалаулылары азаматтардың құқықтық тәртібі мен қауіпсіздігін қамтамасыз ету, құқық бұзушылықтардың алдын алу және жалпы қылмысқа қарсы іс-қимыл жөніндегі шаралармен танысты.
Есіл ауданы полиция басқармасында сапар барысында полицияның сервистік моделі шеңберінде азаматтарға қызмет көрсететін фронт-офис көрсетілді. Сондай-ақ басқарманың кезекші бөлімі қаралды.
Кезекші бөлім полицейлердің оқиға орнына жедел шығуын ұйымдастырады және профилактиканың негізгі буыны болып табылатын аудандық бөлімшелер мен учаскелік полиция инспекторларының жұмысын бақылайды.
Астана қаласы ПД бастығы Марат Төлебаев атап өткендей, шақыруларға жауап берудің тиімділігі, сондай-ақ құқық бұзушылықтардың алдын алу және қылмыстарды ашу тікелей бөлімше қызметкерлерінің кәсібилігіне, сондай-ақ жасалған жағдайларға байланысты.
Елордалық полицияның қызметіне заманауи цифрлық технологияларды енгізу қоғамдық тәртіпті қорғауды және қылмысқа қарсы күресті қамтамасыз ету жөніндегі міндеттерді неғұрлым тиімді және сапалы шешуге мүмкіндік береді.
Сондай-ақ кездесу барысында «ойын-сауық мекемелерінің қауіпсіздік рейтингі» әзірленген ақпараттық сервисі туралы айтылды. Мақсаты – азаматтардың денсаулығын қорғау және қауіпсіздігін қамтамасыз ету үшін бірлесе атсалысу.
Осы күні депутаттар қоғамдық тәртіп пен қауіпсіздікті нығайтуға, сондай-ақ азаматтарға ыңғайлы болу үшін ашық модульдік үлгідегі полицияның стационарлық бекеттеріне барды. Олар қадамдық қолжетімділікте болуға мүмкіндік береді және қылмыстық қол сұғушылықтан қорғаудың тиімділігін арттыра отырып, азаматтардың сұрауларына полицияның уақтылы және сапалы жауап беруін қамтамасыз етеді. Делегация қызметтік патрульдік автомашиналармен және құтқару құралдарымен танысты.
Жалпы, халық қалаулылары материалдық-техникалық базаны, жүйені ұйымдастыруды және полиция қызметкерлерінің азаматтарға бірден көмекке келуге дайындығын оң бағалады. Сонымен қатар департаменттің кейбір құрылымдық бөлімшелері ескі ғимараттарда орналасқандығы, олардың құрылымы мен ауданы орналастыру талаптарына сәйкес келмейтіні атап өтілді. Аталған мәселелердің барлығы депутаттардың бақылауына алынды.
