Жамбыл облысының полицейлері балаларды қолдау орталығының тәрбиеленушілеріне нашақорлар ортасына тарту қаупі туралы айтып берді, – деп хабарлайды Polisia.kz.
Жамбыл облысы полиция департаментінің есірткі қылмысына қарсы іс-қимыл басқармасының қызметкерлері – өмірлік қиын жағдайға тап болған балаларды қолдау орталығының тұрақты қонақтары.
Орталық Қ. Сарымолдаев атындағы балалар үйі мен кәмелетке толмағандарды бейімдеу орталығының бірігуі нәтижесінде пайда болған.
Полиция қызметкерлері тәрбиеленушілерге жиі барып спорттық мерекелер ұйымдастырып, дәстүрлі қайырымдылық акцияларын өткізіп тұрады. Сонымен қатар тәрбие жұмыстары туралы да айтуды ұмытпайды.
ЕҚҚІҚБ қызметкерлері есірткіге қарсы іс-шаралар, жасөспірімдер ортасында құқық бұзушылықтың алдын алу туралы дәрістер өткізді.
Мұндай кезекті кездесу есірткі бизнесіне және нашақорлыққа қарсы күрестің 2023-2025 жылдарға арналған кешенді жоспары аясында өтті.
Спикерлер ретінде полиция қызметкерлері, Жамбыл облыстық «Полонез» поляк тілі мен мәдениеті орталығының, «Илас» ЖШС және облыстық Қазақстан халқы ассамблеясы Аналар кеңесінің өкілдері сөз сөйледі.
Тыңдаушыларға нашақорлықтың алдын алу, есірткіні тұтыну мен таратудың құқықтық аспектілері, есірткі ортасына тартудың қауіптілігі және нашақорлықтың тұтынушының өзіне және оның жақын ортасына тигізетін зардаптары туралы айтылды.
Кинологиялық қызмет орталығының қызметтік-іздестіру иттерінің есірткі заттарын тауып, қылмыскерлерді қалай ұстай алатынын көрсете отырып, қойылым өткізілді.
Балалар спикерлерге белсенді түрде сұрақтар қойып, кинологтардың сөздерін үлкен қызығушылықпен тамашалады.
– Мұндай кездесулер бір реттік акция емес. Олар әр қатысушы өз пікірін білдіруге мүмкіндік алатын диалог алаңын құруға мүмкіндік береді. Балаларға қамқорлық жалғасын табатын болады. Біздің басты міндетіміз – балаларды барлық жамандықтан қорғау, балалардың жайлы және қауіпсіз өмір сүруіне, олардың балалық шағы алаңсыз болуы үшін олардың жеке дамуына жағдай жасау. Біз қиын өмірлік жағдайға тап болған балаларды қолдауға және қиын сәтте көмекке келуге әрқашан дайынбыз, – деді Жамбыл облысы ПД ЕҚІҚБ бастығы Әлім Бажықбаев.
