Елордалық полиция бастығы ерекше көзге түскен қызметкерлерді марапаттады, – деп хабарлайды Polisia.kz.
Астана қаласы полиция департаментінің басшысы Марат Төлебаев ерекше көзге түскен қызметкерлерді марапаттады. Өткен жылғы жұмыс қорытындысы бойынша қылмыстарды ашудың республикалық көрсеткіштері бойынша Астана қаласы ПД ұйымдасқан қылмыс басқармасы екінші орынға ие болды.
ІІМ министрінің атынан ұйымдасқан қылмысқа қарсы күрес басқармасы бастығының орынбасары Жасұлан Шүкіров марапатталды. Қызметтік міндеттерін адал атқарғаны, жұмыста жоғары нәтижелерге қол жеткізгені үшін полиция департаменті бастығының құқықтарымен «Астана қаласының полициясы департаментіне 25 жыл» медалімен патрульдік полицияның мамандандырылған батальонының командирі Дәурен Оразбеков марапатталды.
Сол күні Ақмола облысының Атбасар қаласында өткен шағын футбол қорытындысы бойынша бірінші орын алғаны үшін ішкі істер органдары ардагерлерінің командасы марапатталды. Марапатты тапсыру үшін Астана қаласы ПД ардагерлер кеңесінің төрағасы Ғабит Досаев шақырылды. Лайықты демалысқа шыққаннан кейін де, ардагерлер жас полицейлермен тәлімгерлік жұмыстарын жалғастырып, өздерінің бай білімдерімен бөлісіп, бөлімшелердің ең жақсы дәстүрлерін сақтайды.
