Абай облысында жастар арасында есірткімен күрес бойынша профилактикалық жұмыстар жүргізіліп жатыр

Абай облысында жастар арасында есірткімен күрес бойынша профилактикалық жұмыстар қызу жүргізіліп жатыр, – деп хабарлайды Polisia.kz.

Абай облысында есірткі қылмысына қарсы күрес белсенді жүргізіліп жатыр. Ағымдағы жылдың басынан бері 34 есірткі қылмысы анықталды, оның ішінде 26 есірткі өткізу фактісі бар. Заңсыз айналымнан 7,7 килограмм есірткі және психотроптық заттар алынды. Электрондық ақпараттық ресурстар арқылы республиканың оңтүстік өңірлерінен облыс аумағына есірткі жеткізумен айналысқан ұйымдасқан топтың қызметі тоқтатылды. Марихуана өсіру бойынша фитозертхана анықталды.

Бүгінгі таңда есірткі қылмыстарының құрылымы да, динамикасы да өзгерді. Синтетикалық есірткі әсіресе жастар арасында танымал болды. Олар арзанырақ, қолжетімді және әлдеқайда қауіпті. Есірткі қылмысына қарсы іс-қимыл бөлімшелерінің міндеттеріне “синтетиканың” таралу фактілерін анықтау ғана емес, ең бастысы жолын кесу де кіреді.

Полиция қызметкері Абылайхан Есенжолов оқу орнына келген сайын жас студенттерге жеңіл ақша жоқ екенін, есірткімен бір рет байланысып, оларды тек бір ғана нәтиже күтетінін – бұл бас бостандығынан айыру орындары екенін айтады.

– Мен балаларға болашағын бүлдіруге, жеңіл ақша алып жастық шақтарын түзеу мекемесінің колонияларына кетіруге кеңес бермеймін. Көбісі олардың қайда тартылатынын білмейді. Оларға есірткі сатқаны үшін айып тағылған кезде, 15 жылға дейін сотталуы мүмкін екенін білгенде ғана барып жағдайдың ауырлығын түсіне бастайды. Сондықтан біз алдын алу жұмыстарын жүргізіп жатырмыз. Былтырғымен салыстыратын болсақ,  адамдар есірткі қылмысына биыл азырақ барған. Біз жатардың санасы әлі де өсетініне сенеміз, – деп атап өтті Абылайхан Есекнжолов.

Есірткі саудасы – бұл өте пайдалы бизнес, сондықтан онымен айналысатын адамдар  моральдық принциптерге алаңдамайды. Нашақорлықпен күрес мемлекет үшін басым міндеттердің бірі болғанына қарамастан, бұл індеттің тез таралуын тежеу өте қиын. Сонымен қатар есірткінің кез-келген “қалтаға” арналған түрлері де табылады. Бірақ есірткінің түрі мен құнына қарамастан, нәтижесі әрқашан бірдей – толық физикалық және психикалық “құлдырау”. 

Нашақорлар бұрынғы нашақорлықтың себептерін, тәрбие әдістері мен жағдайларын іздеуге бейім. Бірақ тәуелділіктің дамуының негізгі себебі сол жерде болса да, өткенді өзгерту мүмкін емес.