Павлодар облысында жанжал шығарушылар жауапкершілікке тартылды, – деп хабарлайды Polisia.kz.
Кейбір отбасылардағы отбасылық әл-ауқат, әдетте қарым-қатынастарды, қиыншылықтарды, қақтығыстарды нақтылау арқылы бұлыңғыр болады, кейде жұдырықтар да қолданылады. Үйдегі жағдайды шешу үшін кейде полицияның көмегі қажет. Мәселен полицияға әкесінің мас күйінде пәтерде шу шығарып жатқандығы туралы азамат жүгінді. Сондай-ақ, үйінің кіреберісінде ішімдік ішкен әйел көршілерінің есігін теуіп, жанжал шығарды деген қоңырау келіп түсті. Қызы полицияға хабарласып, мас күйдегі анасын алып кетуді сұраған. Учаскелік полиция инспекторлары барлық құқық бұзғандарды әкімшілік жауапкершілікке тартты, материалдар сотқа жіберілді.
– Жыл басынан бері Павлодар өңірінде отбасылық-тұрмыстық қатынастар саласындағы құқыққа қайшы әрекеттері үшін 3143 азамат әкімшілік жауапкершілікке тартылды. Отбасылық жанжал шығарушыларға қатысты пәрменді шаралардың бірі – қорғау ұйғарымын шығару және мінез-құлыққа ерекше талаптар қою. Тек ағымдағы жылы ғана құқық бұзушыларға қатысты 2329 қорғау ұйғарымы қойылды, соттар құқықтық тәртіп сақшыларының ұсынысы бойынша мінез-құлыққа 580 ерекше талап қойды, – деді Павлодар облысы ПД жергілікті полиция қызметінің бастығы Қуаныш Мұстафинов.
Полицияда ерекше талаптар белгіленген кезде: жәбірленушінің еркіне қайшы, жәбірленушіні іздестіруге, қудалауға, оған баруға, ауызша, телефон арқылы келіссөздер жүргізуге және онымен өзге тәсілдермен, оның ішінде кәмелетке толмағандарды және (немесе) оның отбасының әрекетке қабілетсіз мүшелерін қоса алғанда, байланысқа түсуге; атыс қаруын және басқа да қару түрлерін сатып алуға, сақтауға, алып жүруге және пайдалануға; алкогольді сусындар ішуге тыйым салынады. Сонымен қатар учаскелік полиция инспекторының ұсынысы бойынша сот азаматтық қару иелерінен тегіс ұңғылы қаруды сақтауға және алып жүруге рұқсаттың күшін жояды.
Тұрмыстық зорлық-зомбылық фактілерін үнсіз қалдыру, бұл одан да ауыр қылмыстарға әкелуі мүмкін. Отбасы мүшелерінің, туыстарының заңсыз әрекеттеріне ешкім шыдамауы керек. Тәртіп сақшылары еске салады, егер сіз тұрмыстық зорлық-зомбылықтың куәгері немесе құрбаны болсаңыз, полицияға 102 нөміріне хабарласыңыз.
