Елордада тұрғынның мопедін ұрлаған жасөспірім анықталды, – деп хабарлайды Polisia.kz.
Полицияға елорда тұрғыны жүгініп, белгісіз біреу оның аулада тұрған мопедін алып кеткені туралы арызданған.
Жедел-іздестіру іс-шараларын жүргізу барысында Алматы ауданы полиция бөлімі қызметкерлері ұрлық жасады деген күдікпен 16 жастағы кәмелетке толмағанды анықтады.
Тергеу барысында жасөспірім түнгі уақытта Момышұлы даңғылымен аулада кетіп бара жатып, кілті оталғышында қалып кеткен мопедті байқағаны белгілі болды. Қылмыстық пиғылмен көлікке келіп, жан-жағында ешкім жоқ екеніне көз жеткізген соң, ол М-8 мопедін айдап әкеткен. Келтірілген материалдық шығын 350 мың теңгеге бағалануда.
Аталған факті бойынша қылмыстық іс қозғалды. Заттай дәлелдеме тәркіленіп, иесіне қайтарылды. Кәмелетке толмаған жасөспіріммен заңды өкілінің қатысуымен профилактикалық әңгіме жүргізілді.
