СҚО полицейлері мектеп оқушыларымен кездесіп, жол ережесін түсіндірді, – деп хабарлайды Polisia.kz.
Білім күніне орай полиция басқармалары мен бөлімдерінің бастықтары мен орынбасарлары мектептердегі қорғау және бақылау жүйелерінің дұрыстығына жеке көз жеткізді. Олар сондай-ақ бірінші сынып оқушыларына жол белгілері мен көшеден өту ережелерін еске салды. Бұл сәтте оларға жолдағы қауіпсіз мінез-құлық туралы ойын түрінде айтқан жас қозғалыс инспекторлары көмектесті.
Петропавлда СҚО ПД бастығының бірінші орынбасары Құрманғали Ысмағұлов №7 мектепке барды. Ол жерде көлік қозғалысы көп болады, бұл мектеп қала орталығында орналасқан.
Ысмағұлов облыстың жас тұрғындарына жолда ғана емес, өзге жерде де қауіп төнуі мүмкін екендігін атап өтті. Бейтаныс адамдарға сенбеу, интернетте өзіңіз туралы деректерді айтпау қажет екенін де тілге тиек етті. Жоғары сынып оқушылары үшін қорқытуға жол бермеу, түнгі демалыстар мен басқа да құқық бұзушылықтар үшін әкімшілік жауапкершілік, нашақорлыққа, есірткі бизнесіне және басқа да қылмыстық әрекеттерге тартылу қауіпі туралы еске салды. Кез келген құқық бұзушылыққа тап болғанда немесе куә болған жағдайда дереу “102” арнасына қоңырау шалу керектігі айтылды. Полиция қызметкері әрқашан көмекке келуге дайын дос екенін есте сақтау керек.
Бұл күні патрульдік полицейлер дәстүрлі түрде оқу орындарына маршруттарды жақындатып қана қоймай, мектеп айналасындағы жолда қозғалысты реттеді. Әрбір оқу орнында патрульдік және ювеналды полиция қызметкерлері кезекшілік атқарды. Жас қозғалыс қатысушылары бірінші сынып оқушыларына Қазақстан Республикасы Мақан Есболатов атындағы ІІМ Алматы академиясы дайындаған жол қауіпсіздігі тақырыбында танымдық бояу кітапшаларын таратты. Балалар мен ата-аналар үшін тағы бір жағымды сәт – патрульдік көлікпен суретке түсу мүмкіндігі болды.
