Талдықорғанда полиция қызметкерлері “Учаске” ЖПІШ аясында Талдықорған полициясы рейд жүргізіп жатыр, – деп хабарлайды Polisia.kz.
“Учаске” жедел-профилактикалық іс-шарасы аясында Талдықорған қаласының учаскелік полиция инспекторлары орталық базарда тексеру жүргізіп, онда шегілмейтін темекіні сатумен айналысатын үш орынды анықтады.
Сатушылар темекі бұйымдарының заңсыз саудасын жүзеге асыру арқылы заңнаманы бұзған.
Тексеру қорытындысы бойынша әкімшілік хаттамалар жасалды. Сонымен қатар полицейлер құқық бұзушылық жасағандармен түсіндіру жұмыстарын жүргізіп, қолданыстағы заңнама шеңберінде осындай әрекеттердің салдары мен жауапкершілігін түсіндірді.
Мұндай сипаттағы іс-шаралар заңсыз сауданың жолын кесуге және қалада тәртіпті сақтауға бағытталған.
