Алматы облысының полициясы жол қауіпсіздігін қамтамасыз етуге атсалысқан белсендіні марапаттады, – деп хабарлайды Polisia.kz.
Алматы облысының полициясы жол қозғалысы ережелерінің сақталуына елеулі үлес қосқан жергілікті белсенді Виктор Шалёныйдың азаматтық ұстанымын жоғары бағалады. Оның жолдардағы оқиғаларға бей-жай қарамай, назар аударуы арқасында көптеген құқық бұзушылықтар анықталып, бұл тәртіптің сақталуына және аймақтағы апаттылықтың төмендеуіне ықпал етті.
– Біз жолдардағы қауіпсіздікті қамтамасыз ету үшін қоғамның белсенділігінің маңыздылығын атап өтеміз. Белсенді азаматтық ұстаным – бұл тәртіп пен қауіпсіздіктің кепілі. Виктор Сергеевичтің бағасыз үлесін ескере отырып, оны Алғыс хатпен және естелік сыйлықпен марапаттадық, – деді Алматы облысы ПД жол патрульдік полициясының бастығының м.а. Мұрат Қалиасқаров.
Виктор Шалёный құқық бұзушылар туралы ақпаратты тұрақты негізде құқық қорғау органдарына хабарлай отырып, қауіпті жағдайларға жедел әрекет етуге көмектеседі. Осындай ынтымақтастықтың нәтижесінде облыс жолдарындағы қауіпсіздік едәуір жақсарды, бұл жүргізушілер арасындағы тәртіптің жалпы деңгейіне оң әсерін тигізді.
– Біз жолдардағы тәртіпті сақтауға үлес қосатын әрбір азаматты бағалаймыз. Қауіпсіздік – ортақ мақсат. Мұндай бастамалар бізге жақсы нәтижелерге қол жеткізуге көмектеседі, – деп толықтырды М. Қалиасқаров.
Алматы облысының полицейлері қауіпсіз жолдың әркімнің жауапкершілігі мен қатысуына байланысты екенін ескере отырып, азаматтарды ынтымақтастыққа шақыруды жалғастыруда.
