Павлодар облысындағы колонияда адам құқықтары жөніндегі уәкілінің өкілі дәріс өткізді, – деп хабарлайды Polisia.kz.
№63 мекемесіне Павлодар облысының адам құқықтары жөніндегі уәкілінің өкілі И.В. Тарасенко барды. Өз сапары аясында ол сотталғандардың жеке құрамына Қазақстандағы адам құқықтары жөніндегі уәкіл институтының рөлі мен түзету мекемелеріндегі адам құқықтарының сақталуы туралы ақпараттық дәріс өткізді.
Дәріс барысында уәкілдің қызметінің негізгі аспектілері мен түзету мекемелерінде ұсталып отырған тұлғаларға қатысты азаптауға және қатыгездік көрсетуге жол берілмейтіндігі туралы айтылды. И.В. Тарасенко әрбір сотталғанның гумандық қарым-қатынасқа, лайықты жағдайларда ұсталуға және өз құқықтарын қорғау үшін жүгінуге құқығы бар екеніне ерекше назар аударды.
Дәріс барысында қатысушылар белсенді түрде сұрақтар қойып, өз тәжірибелерімен бөлісіп, мекемедегі өмір сүру жағдайларын жақсарту жөніндегі қызығушылықтарын білдірді. Тарасенко ашық диалог пен ынтымақтастыққа шақырып, адам құқықтарын қорғау жұмысының сотталғандар мен қызметкерлердің ортақ жауапкершілігі екенін атап өтті.
Бұл сапар адам құқықтары туралы ақпараттандыруды арттыру және сотталғандар мен мемлекеттік институттар арасындағы сенімді нығайтуда маңызды қадам болды, бұл, өз кезегінде, гуманистік тузету жүйесін қалыптастыруға ықпал етеді.
