Павлодар облысы полиция департаментінің арнайы және жұмылдыру дайындығы басқармасының қызметкерлері Екібастұз қаласының төтенше жағдайлар басқармасымен бірлесе отырып, оқу-жаттығу жиындарын өткізу барысында тәртіп сақшыларымен алғашқы көмек көрсету және төтенше жағдайларда әрекет ету бойынша сабақтар өткізді, – деп хабарлайды Polisia.kz.
Сабақ барысында құтқарушылар алғашқы көмек көрсету туралы айтып, зардап шеккендерге дәрігерге дейінгі көмек көрсету кезіндегі іс-қимыл алгоритмін талдап, адамның тынысы бар-жоғын қалай анықтау керектігін көрсетті. Сонымен қатар механикалық желдету және жанама жүрек массажы қалай жүргізілетінін айтты.
Барлық әдіс көрсетілді, пысықталды. Қан кету мәселелеріне, қан кетуді тоқтату әдістеріне, атап айтқанда, гемостатикалық турникетті қолдану техникасына, сондай-ақ өз жұмысында қолданылатын әртүрлі жағдайларда, құрал-саймандар мен жабдықтарға жеке тоқталды. Олар күзгі-қысқы кезеңде су айдындарындағы мінез-құлықтың жалпы ережелерін еске түсірді, мұз астына түсу кезіндегі травматикалық факторлар туралы егжей-тегжейлі айтып берді, сондай-ақ төтенше жағдайда құтқару және адамдарға көмек көрсету бойынша «лайфхактармен» бөлісті.
– Кездесу соңында әріптестер су айдындарында құтқарушылардың арнайы жабдықтары мен құтқару құралдарының үлгілерін көрсетіп, оларды пайдалану тәсілдері туралы егжей-тегжейлі айтып берді, – деді Екібастұз қаласы ПБ бастығының орынбасары Қанат Кәрімжанов.
Бұдан басқа, басқарманың жеке құрамымен тұрақты негізде дене шынықтыру, атыс және арнайы даярлық бойынша сабақтар өткізіледі.
