Қызылордада полицейлер студенттерге дәріс өткізді, – деп хабарлайды Polisia.kz.
Қызылорда облысы ПД жедел-криминалистикалық басқармасының қызметкерлері криминалистикалық полигонда Қызылорда Ашық университетінің Құқық және қызмет көрсету кафедрасының студенттері үшін “Оқиға болған жерге қарап-тексеру” тақырыбында практикалық сабақ өткізді.
Бұл сабақтың басты мақсаты – департаменттің оқу-жаттығу полигонындағы арнайы орындар мен құралдардың көмегін пайдаланып, оқиға болған жерге қарап-тексерудің ерекшеліктерін және оқиға болған жерден табылған айғақты заттардың немесе іс үшін маңызы бар объектілердің зерттеуін кеңінен түсіндіріп, іс-тәжирибесін дұрыс жүзеге асыруға бағытталған.
Жедел-криминалистикалық басқармасының криминалисі Қуаныш Шілдебаев баяндама жасап, ғылыми-техникалық құралды қолдануды практикалық тұрғыда көрсетті.
