«Жас сақшы» сыныбының тәрбиеленушілері Жезқазған полиция басқармасының қызметкерлерімен бірлесіп, қала тұрғындарына интернет-алаяқтықтың қауіптілігі туралы ескертіп жатыр, – деп хабарлайды Polisia.kz.
Көптеген ескертуге қарамастан, киберқылмыс фактілері өсуде. Алаяқтар азаматтардың сеніміне кіріп, ақшаларын алуда түрлі әдістерді қолданады.
– Біз өз жерлестеріміздің цифрлық кеңістікте өздерін қауіпсіз сезінгенін қалаймыз. Сондықтан біз күш-жігерімізді полицейлермен біріктіріп, осы ақпараттық науқанды өткізуді ұйғардық, – деп атап өтті «Жас сақшы»сыныбының белсенділері.
Полиция қызметкерлері алаяқтар көбінесе әлеуметтік инженерияны адамдардың эмоциялары мен сенімдеріне сүйене отырып қолданатынын еске салады. Олар туыстарының, банк қызметкерлерінің немесе мемлекеттік органдардың атынан қоңырау шалып, жалған сайттар мен әлеуметтік медиа профильдерін жасай алады.
Сақ болыңыз және алаяқтардың сіздің ақшаңызды иемденуіне жол бермеңіз!
