ҚР ІІМ Ұлттық ұлан қызметкерлері Ұлы Отан соғысы ардагерін 99 жасқа толған мерейтойымен құттықтады, – деп хабарлайды Polisia.kz.
Қазақстан Республикасы ІІМ Ұлттық ұланы “Орталық” өңірлік қолбасшылығына қарасты Қостанай қаласындағы 6697 әскери бөлімінің әскери қызметкерлері Ұлы отан соғысының ардагері Сансыбай Нурушевті туған күнімен құттықтады. Ұлы Жеңістің 80 жылдығымен қатар келген бұл мерейтой ардагер үшін өте маңызды. Себебі бұл күні ардагер 99 жасқа толды.
– Бұл күн ардагеріміз үшін ғана емес, біз үшін демереке. Себебі біз бүгін жеңістің жалауын биік көтерген ардагерімізді туған күнімен құттықтадық, – деп атап өтті 6697 әскери бөлім командирінің орынбасары Ескендір Сараубеков.
Туған күн иесінің құрметіне орай 6697 әскери бөлімінің жеке құрамы атынан әскери оркестр ән шырқап, бөлім командирінің орынбасары Ескендір Сараубеков және гарнизон бастығының орынбасары Бірлік Чебиков арнайы құттықтады.
