БҚО-да сотталғандарға құқықтық және әлеуметтік қолдау көрсетілді, – деп хабарлайды Polisia.kz.
ҚАЖД мекемелеріндегі жағдайды сауықтырудың 2023-2025 жылдарға арналған Жол картасы аясында №27 мекемесінде сотталғандардың проблемалық мәселелерін шешуге бағытталған маңызды шара ұйымдастырылды. Бұл іс-шараның басты мақсаты – сотталғандарға құқықтық, әлеуметтік және тұрмыстық көмек көрсету. Шараға мүдделі мемлекеттік органдардың өкілдері қатысып, сотталғандарға қажетті ақпарат пен қолдау көрсетті.
Аталған шараға прокуратура мен әділет департаментінің, адвокаттар мен заң консультанттарының, №6 емханасының басшыларының, жеке сот орындаушылардың төрағасының, сондай-ақ жұмыспен қамтуды үйлестіру және әлеуметтік бағдарламалар басқармасының өкілдері қатысты. Олардың қатысуы сотталғандардың құқықтары мен мүмкіндіктерін тереңірек түсініп, олардың мәселелерін шешуде көмектесті.
Шара барысында сотталғандар өздеріне қызыққан сұрақтарын тиісті мамандарға қойып, нақты әрі қанағаттанарлық жауаптар алды. Бұл диалог сотталғандардың құқықтық сауаттылығын арттыруға және олардың әлеуметтік жағдайын жақсартуға бағытталған маңызды қадам болды.
Іс-шараның қорытындысы ретінде сотталғандар ұйымдастырушылар мен қатысушыларға көрсеткен қолдаулары үшін алғыс білдіріп, ризашылықтарын жеткізді. Мұндай іс-шаралар олардың қоғамға қайта оралуын жеңілдетіп, жаңа мүмкіндіктерге жол ашуға септігін тигізеді.
