Алматы облысында полиция қызметкері Лейла Асыл-Кеней өз тәжірибесімен бөлісті, — деп хабарлайды Polisia.kz.
Көші-қон қызмет – полиция жұмысындағы басты бағыттардың бірі. Бұл сала жоғары жауапкершілікті, заңнаманы терең білуді, дипломатиялық қабілеттілікті және адамдармен қарым-қатынас орнату шеберлігін талап етеді. Облыстық полиция департаментінде бұл бағытты табысты басқарып отырған – көші-қон қызметі басқармасы бастығының орынбасары Лейла Асыл-Кеней.
1999 жылдан бастап ол ішкі істер органдарына қызмет етіп, қатардағы қызметкерден полковник дәрежесіне дейін жетті. Оның мансабы тек жылдар бойына еңбек ету ғана емес, сонымен қатар өз деген адалдық, жауапты шешімдер қабылдау қабілеті және әріптестері үшін сенімді тірек бола білу.
Көші-қон процестері – бұл заң мен қауіпсіздікті адам құқықтарымен ұштастыруды талап ететін күрделі әрі көпқырлы сала. Лейла Асыл-Кеней жоғары кәсібилікпен қатар, аналитикалық ойлау қабілеті, төзімділік және дипломатиялық шеберлікті үйлестіре отырып, бұл салада таптырмас маманға айналды.
– Күн сайын біз көптеген міндеттермен бетпе-бет келеміз – құжаттарды рәсімдеуден бастап, күрделі құқықтық мәселелерді шешуге дейін. Мемлекеттің мүдделерін ескеру маңызды, бірақ әр үндеудің артында адам тұрғанын ұмытпаған жөн, – дейді Лейла.
Оның ұстанымы – заңды қатаң сақтау, әділдік пен қабылданған әрбір шешім үшін жауапкершілік. Ол өз жұмысын жай ғана орындап қоймай, оған толықтай беріліп, әр әрекетінің көптеген адамдардың тағдырына әсер ететінін терең түсінеді.
Полиция қатарында қызмет ету – жоғары талаптарға, күрделі сынақтарға және толықтай өзін арнауға дайын болуды білдіреді. Лейла Асыл-Кеней қызметтік міндеттерін табысты атқарумен қатар, төрт баланың анасы. Ол жұмыс пен отбасылық өмірдің тепе-теңдігін сақтай отырып, өз кәсібіне адал және сүйікті ана болып қала білді.
– Полицияда қызмет ету – кез келген адамның таңдайтын жолы емес. Бұл – толық берілу мен адалдықты талап ететін миссия. Мен елімнің игілігі үшін қызмет етіп, заң мен тәртіпті қорғау жүйесінің бір бөлігі болғаныма мақтанамын, – дейді ол.
Қызмет барысында ол әріптестері мен басшылықтың құрметіне ие болып, тек білікті маман ғана емес, нәтижеге қол жеткізе білетін, қолдау көрсете алатын және өзгелерге мотивация беретін көшбасшы ретінде танылды.
Халықаралық әйелдер күні қарсаңында заңды қорғап, тәртіпті қамтамасыз етіп жүрген барлық әйелдерге алғыс білдіреміз. Олардың еңбегі – кәсібилік пен даналықтың, табандылық пен мейірімділіктің үйлесімі.
