Көліктегі полиция департаментінде консультативтік-кеңесші органның отырысы өтті, – деп хабарлайды Polisia.kz.
Көліктегі полиция департаментінде консультативтік-кеңесші органның кезекті отырысы өтті, оған департамент басшылығы, кеңес мүшелері және бейнеконференция режимінде қосылған желілік бөліністердің бастықтары қатысты.
Күн тәртібінде органның құрамына жаңа мүшелерді қосу және қызметкерлердің кәсіби даярлығын жақсарту мәселелері қаралды. Үкіметтік емес ұйымдардың және сараптамалық қоғамдастықтың өкілдерімен ынтымақтастықты күшейту үшін кеңес құрамын кеңейту туралы шешім қабылданды, бұл ішкі істер органдарының алдында тұрған міндеттерді неғұрлым тиімді шешуге мүмкіндік береді.
Жеке құрамның біліктілігін арттыру және дене шынықтыру мәселелеріне ерекше назар аударылды. Талқылау барысында қызметкерлердің кәсіби даярлығының жоғары деңгейі көлік объектілерінде азаматтардың қауіпсіздігін қамтамасыз ету жөніндегі міндеттерді тиімдірек орындауға ықпал ететіні атап өтілді. Сондай-ақ ішкі істер органдарына халықтың сенімін арттыруды, көлік объектілеріндегі жолаушылармен байланысты нығайтуды және ішкі істер органдары қызметінің ашықтығына жәрдемдесуді қоса алғанда, консультативтік-кеңесші органның негізгі міндеттері қаралды.
Отырыс соңында ҚР ІІМ бұйрығымен көліктегі полиция департаментінің бірқатар қызметкеріне басшы құрамның арнаулы атақтары берілді.
