Павлодар облысында балалар полицейлерге хат жазды, — деп хабарлайды Polisia.kz.
1 маусым - Халықаралық балаларды қорғау күніне арналған “Қазақстан балалары” іс-шараларын өткізу тұжырымдамасы аясында Аққулы аудандық білім бөлімі ішкі істер бөлімімен бірлесе отырып, “Полицейге хат” акциясын ұйымдастырды.
Іс-шараның басты мақсаты – полиция қызметкерлеріне алғыс айтып, қолдау көрсету, олардың еңбегі бағаланып, құрметтелетінін еске салу. Акцияға қатысушылар хат арқылы тәртіп пен қауіпсіздікті қамтамасыз етудегі күнделікті еңбектері үшін алғыс сөздерін жеткізуде. Бұл азаматтар мен заңды ұстанушылар арасындағы өзара сыйластықтың жанды үлгісіне айналды.
Тәртіпті күн сайын күзетіп, қауіпсіздік пен тыныштықты қорғап жүрген полиция қызметкерлеріне алғыс білдіріп, моральдық қолдау көрсету.
Мұндай бастамалар өскелең ұрпақтың бойында алғыс айту мәдениетін қалыптастырып, полиция мамандығына деген құрмет сезімін оятып, қоғамдастықтың құқық қорғау органдарымен байланысын нығайтады.
