Алтайдың қорғаушысы Тимофей бір күнімен бөлісті, — деп хабарлайды Polisia.kz.
Павлодар облысының Алтай ауылында күн ерте басталады. Бірақ ең ерте тұратын – тоғыз жастағы Тимофей. Басқа балалар тәтті ұйқыда жатқанда, ол төсектен сергек тұрып, жуынып-шайынып, анасы арнайы тіктіріп берген полиция формасын киіп, ойыншық автоматты белдігіне бекітеді.
Бүгін де оның алдында маңызды тапсырма – қоғамдық тәртіпті сақтау, ауыл тұрғындарының қауіпсіздігін қамтамасыз ету. Тимофей аулаға шығып, сенімді досы – “Орлёнок” велосипедіне отырады. Ол рөлін сипап, нағыз офицер сияқты атын майданға дайындағандай айтады.
Ауыл әлі толық оянбаған, ал Тимофей болса қызметіне кірісіп кеткен. Ол мектептің, дүкеннің, поштаның айналасын шолып, көршілерде бәрі дұрыс па, әлде тағы да Саша ағайдың қаздары шулап жатыр ма – соны тексереді. Кенеттен – иесіз үй жақтан күмәнді дыбыс естіледі. Тимофей дереу тоқтап, велосипедінен түсіп, дыбыс шыққан жаққа ұрлана жақындайды.
Үйдің ар жағынан тауықтан үріккен мысық Васька атып шығады. Тимофей жеңіл дем алып, жымиып қояды: “Бұзақылар жоқ екен” деп.
Түстен кейінгі ауысымда – ол қарияларға жолдан өтуге көмектеседі, көлік қозғалысын реттейді, қоршаудан асып кеткен допты қайтарады, көшеде бұзықтық жасаған балаларға ескерту жасайды.
Кешке қарай үйге шаршап, бірақ риза көңілмен барады. Күні бойы жұмысы көп болса да, ауылда тәртіп орнаған – демек, міндет орындалды.
Айта кетейік, Алтай ауылының тұрғыны Столбовой Тимофей Павлодар облысы Тереңкөл ауданының учаскелік полиция инспекторы, майор Иманбаев Рүстемге белсенді түрде көмектесіп жүр.
