Павлодар облысында қоғамдық орындарда мас күйде жүрген азаматтар анықталды, - деп хабарлайды Polisia.kz.
Ең көп таралған құқық бұзушылықтардың бірі — алкогольді ішу немесе қоғамдық жерде мас күйде болу.
Қоғамдық орын — бұл тұрғындардың пайдалануына, сондай-ақ бұқаралық іс-шаралар өткізуге, азаматтарға қызмет көрсетуге және демалуға арналған қалалар мен елді мекендердің шегінде немесе сыртында арнайы жабдықталған жалпы пайдалану орындары.
- Мысалы, “102” операторларының пультіне Павлодар қаласында Нұрмағамбетов көшесінің бойында ер адам жатыр деген шақыру келіп түсті. Басқа жағдайда жедел желіге Ак.Сәтбаев-Лермонтов көшелерінің қиылысында жол бойында алкогольдік мас күйінде ер адам тұрғаны туралы қоңырау түсті. Көрсетілген мекен-жайға келген полиция қызметкерлері ер адамның мас екенін анықтады. Қала тұрғындары уақытша бейімдеу және детоксикация орталығына жеткізілді, - дейді Павлодар облысы ПД.
Жыл басынан бері облыс аумағында алкогольдік ішімдіктерді ішкені және қоғамдық орындарда мас күйінде пайда болғаны үшін 6 мыңға жуық құқық бұзушылықтың алдын алды. Алкогольді жиі ішетіндер алкогольдің мас адамдарды заңды бұзуға итермелейтінін ескермейді және олар өздері қылмыскерлердің немесе жазатайым оқиғалардың құрбаны болуы мүмкін.
Павлодар облысының полиция департаменті мас компаниялар мен қоғамдық орындарда ішімдік ішетіндер туралы "102" телефоны арқылы хабарлауға немесе "Police 102" мобильдік қосымшасын пайдалануға болатынын еске салады.
