Қостанай облысында оқушылар ҚАЖД мекемесіне экскурсия жасады, — деп хабарлайды Polisia.kz.
Есірткіге қарсы профилактика аясында Қостанай облысы ПД есірткі қылмысына қарсы іс-қимыл басқармасының қызметкерлері Жастар үйінің тәрбиеленушілерін арнайы мекемеге апарды. Іс-шараның басты мақсаты – жасөспірімдердің өмірге деген жауапкершілік көзқарасын қалыптастыру, құқықтық сауаттылық деңгейін арттыру және есірткіні тұтынудың жағымсыз салдарын түсіндіру.
Оқушыларға құжаттық материалдар мен нашақорлыққа тап болған адамдардың шынайы оқиғалары көрсетілді. Әсіресе, “жеңіл” деп саналатын есірткі түрлерінен бастаған жас жігіттің тарихы ерекше әсер етті: ол адам сот алдында жауап беріп, нақты бас бостандығынан айыру жазасына кесілген. Тағы бір мысал есірткіні бірнеше жыл пайдаланған жігітке қатысты болды: оның өмірі тез арада күйреп, отбасынан, денсаулығынан айырылып, ақыры мүгедектікке әкелген.
Қызметкерлердің айтуынша, есірткіні қолдану тек денсаулыққа қауіп төндіріп қана қоймайды, сонымен қатар ол – ауыр құқықтық жауапкершілік. Әңгіме барысында жасөспірімдерге тыйым салынған заттардың аз ғана мөлшерін сақтаудың өзі қылмыстық жауапкершілікке әкелетінін, ал өзгені есірткі тұтынуға тарту ауыр қылмыс болып саналатынын еске салды.
— Жастар әр таңдау салдары болатынын түсінуі маңызды. Бүгінгі шешім бүкіл өмірге әсер етуі мүмкін, — деп атап өтті басқарма қызметкерлері.
Аймақта мұндай профилактикалық іс-шаралар тұрақты түрде өткізіліп келеді. Олар жасөспірімдерге шынайы жағдайды көруге және есірткінің бақытты болашаққа орын қалдырмайтынын түсінуге көмектеседі.
