Жетісу облысында полицейлер мал ұрлауға қатысқан күдіктілерді құрықтады, – деп хабарлайды Polisia.kz.
"Мал ұрысы" жедел-профилактикалық іс-шарасы аясында Жетісу облысының полиция қызметкерлері Ескелді ауданында тұрғындардың ірі қара малын ұрлауға қатысы бар топты анықтап, ұстады.
Тергеу мәліметтері бойынша жылдың қыркүйек айынан қараша айына дейін қылмыскерлер жеті бас ірі қара малын ұрлаған, олардың заңсыз әрекеттерінен облыс тұрғындарының бесеуі зардап шеккен. Сотқа дейінгі тергеу барысында іс бойынша әр түрлі шаралар қабылданды — үй қамағына алу мен қамауға алу. Тергеу оларды басқа ұқсас оқиғаларға қатысы барын тексеруді жалғастыруда.
Жедел іс-шаралар барысында полицейлер малдың заңсыз шығарылуы, сатылуы және өңделуіне тосқауыл қою мақсатында кең ауқымды тексерулер жүргізді. 500-ден астам мал және ет өнімдерін тасымалдайтын көліктер тексерілді. 49 ветеринарлық талаптарды бұзу және қажетті құжаттарсыз тасымалдау фактілері анықталды. 120 ауыл шаруашылығы жануарларын бағу ережелерін бұзу жағдайы тіркелді. 400-ден астам шаруа қожалықтары тексерілді.
Аймақта мал ұрлығымен күрес жүйелі түрде жүргізілуде. Биылғы жылы Жетісу облысында полицейлер 48 қылмысты ашып, сегіз қылмыстық топтың әрекеттерін тоқтатты.
Полиция азаматтарға малды уақытында есепке қою, жайылымдарды бақылауды қамтамасыз ету және күдікті тұлғалар немесе оқиғалар туралы дереу кезекшілік бөлімдеріне хабарлауды ескертеді. Құқық қорғау органдарының жедел, үйлесімді жұмысы мал ұрлығы деңгейін төмендетуде және ауыл тұрғындарының қауіпсіздігін қамтамасыз етуде басты фактор болып қала береді.
