Павлодар облысында бұған дейін көлік жүргізуші құқығынан айырылған азамат тағы да құқық бұзған, - деп хабарлайды Polisia.kz.
Патрульдеу кезінде Үштерек ауылында патрульдік полиция взводының қызметкерлері Аudi автокөлігін тоқтатты. Құжаттарды тексеру кезінде жүргізуші бұрын көлік құралын басқару құқығынан айырылып, рульге қайта отырғаны анықталды.
- Ер адам әкімшілік жауапкершілікке тартылды. Автокөлік мамандандырылған тұраққа қамалды, - деді Павлодар облысы Ақсу қаласының патрульдік полиция взводының командирі Рустам Байгабулов.
Полиция жолдарда қауіпсіз жүріс-тұрыс мәдениетін қалыптастыруға бағытталған жүргізушілермен және жаяу жүргіншілермен түсіндіру жұмыстарын жүргізеді.
Азаматтарға жол қозғалысы ережелерін қатаң сақтау, басқалардың өмірі мен денсаулығы үшін өзара сыйластық пен жауапкершілік қажеттілігі туралы ескертіледі. Олар ережелерді қатаң сақтауға, мұқият және жауапты болуға шақырады, өйткені Жолдағы қауіпсіздік әркімге байланысты.
