Ақтау қаласында Қазақстан Республикасы Парламенті Сенатының Senat Open ашық біріншілігі шеңберінде күштік және құқық қорғау органдары қызметкерлері арасында шахматтан іріктеу турнирі ұйымдастырылды, – деп хабарлайды Polisia.kz.
Зияткерлік додаға барлығы 125 қызметкер қатысып, өзара бақ сынады. Турнир қорытындысы бойынша 18 үздік ойыншы келесі кезеңге жолдама алды.
Маңғыстау облысы бойынша қылмыстық-атқару жүйесі департаментінің атынан қатысқан қызметкерлер жоғары дайындық деңгейін көрсетті. Нәтижесінде №77 мекемесінің жедел уәкілі Әділет Сисенбаев 1/4 финалға жолдама алды.
Жарыстың финалдық кезеңі 3 мамыр күні өтеді.
Аталған турнир қызметкерлердің зияткерлік әлеуетін арттыруға, стратегиялық ойлау қабілетін дамытуға және ведомствоаралық ынтымақтастықты нығайтуға бағытталған.
