Түркістан облысының ардагер полицейлері ізін жалғастырушы жас мамандармен кездесу өткізді, – деп хабарлайды Polisia.kz.
Созақ аудандық полиция бөлімі қызметкерлерімен тәрбие жұмысын ұйымдастыру, моральдық-психологиялық тұрақтылық, рухани-адамгершілік негіздерін нығайту, жеке құрам арасында тәртіп пен заңдылықты арттыру мақсатында Созақ АПБ-нің бастауыш ардагерлер ұйымының мүшелерінің қатысуымен кездесу өткізілді. Аталған іс-шараға Созақ АПБ бастауыш ардагерлер кеңесінің төрағасы отставкадағы полиция майоры Беркінбай Дуанаев, отставкадағы полиция подполковнигі Бердірахман Құлманбетов, отставкадағы полиция подполковнигі Дәуірбек Елібаев және басқа да зейнеткерлер арнайы келді. ІІО ардагерлері жас полицейлерге заңдылық, құқықтық тәртіп, жеке құрамды патриоттық рухқа, азаматтылыққа, тәртіпке тәрбиелеу негізіндой-пікірлерімен бөлісіп, ұсыныстарын жеткізді.
Жалпы мұндай ерекше кездесулердің ішкі істер саласына енді орналасқан жас мамандарға берері мол. Себебі, өздерінің қиын да қауіпті қызметтері жайлы тірі аңыздардан мағлұмат алып, оларды көзбен көріп, ардагерлермен тілдесіп, жақсы жағынан ой түйіндейді. Сондықтан да кездесулер Түркістан облысы полицейлері тарапынан тұрақты түрде ұйымдастырылып тұрмақ.
