Сауда және ойын-сауық орталығынан күртеше ұрлаған екі қыз ұсталды, – деп хабарлайды Polisia.kz.
2020 жылдың 19 желтоқсанында Тараз қаласының ПБ 1-полиция бөліміне Төле би көшесінде орналасқан «Март» ойын-сауық сауда орталығындағы бутиктен екі белгісіз қыздың құны 39 250 теңге тұратын әйелдер күртешесін жасырын ұрлап кеткені туралы арыз келіп түсті.
Тараз қ. ПБ 1-ПБ криминалдық полиция бөлімшесінің қызметкерлері осы бутиктің бейнебақылау камерасынан қылмыстың ізін суытпай, екі қызды ұстады. Олар бұрын сотты болған 22 және 23 жастағы қала тұрғындары болып шықты, күдіктілер өз кінәсін толық мойындады. Ұрланған күртеше иесіне қайтарылды.
Аталған дерекке қатысты ҚР Қылмыстық кодекстің 188-бабы 2-бөлігі (Ұрлық) бойынша сотқа дейінгі тергеу амалдары басталып, күдіктілерге қатысты тергеу шаралары жүргізілуде.
