Маңғыстау облысының Маңғыстау аудандық полиция бөліміне басшы болып Нұржан Махмутов тағайындалды, – деп хабарлайды Polisia.kz.
Нұржан Оразұлы ішкі істер органдарында 2001 жылдан бастап қызмет атқарады. Ол осы уақытқа дейін түрлі басшылық қызметтер атқарған.
Тәжірибелі де, білікті маман Нұржан Махмутов қызмет атқару барысында өзін сауатты басшы ретінде көрсетіп, жоғары нәтижелерге қол жеткізе білді.
Ол осыған дейін Маңғыстау облысы Полиция департаменті Жергілікті полиция қызметі басқармасының бастығы қызметін атқарған.
Аудандық полиция бөлімінің жаңа басшысын бөлімнің жеке құрамымен таныстыру барысында облыстың бас полицейі Нұржан Оразұлының қызметтегі тәжірибесіне тоқталып өтіп, оның кәсіби қасиеттерін жоғары бағалады. Сондай-ақ Жанарбек Бақтыбаев жаңа басшының жеке құраммен бірлесіп, аудан халқына адал қызмет атқаратынына сенім білдіріп, олардың алдына нақты міндеттер қойды.
Бұдан басқа аудандық полиция бөлімінің бастығы Департамент бастығымен бірге аудан тұрғындарын қабылдауға қатысты.
