Алматы облысы бойынша ҚАЖД ЛА-155/8 мекемесінде жазасын өтеп жатқан сотталған азамат Халық қаһарманы Қ.Рысқұлбековтің портретін салған, – деп хабарлайды Polisia.kz.
Сотталған азамат аталған портретті батырдың туған күнінің құрметіне арнағанын жеткізді. Ол сурет салу дағдысын мекеме қабырғасында жетілдірген. Сотталған азаматтардың еліміздің тарихы мен мәдениетіне, әдебиетіне ден қоюы оларға қатысты өткізіліп жатқан жеке тәрбие жұмыстарының оң нәтиже көрсетіп жатқанын білдіреді. Түзеу мекемесінде жазасын өтеп жатқан сотталғандарды оңалту, қалыпты қоғамдық өмірге бейімдеу – олардың тарапынан қайтадан жасалатын қылмыстардың алдын алудың мүмкіндігі болып табылады.
