Ақтөбелік полицейлер “Есеп” жедел алдын алу іс-шарасын қорытындылады, – деп хабарлайды Polisia.kz.
Құқық бұзушылықтар үшін үнемі көзге түсетін, бұрын бірнеше рет сотталған, маскүнемдікке бейім, қоғамға қарсы өмір салтын жүргізетін адамдар профилактикалық есепке алынады. Кешкі уақытта учаскелік полиция инспекторлары оларды үйіне барып, тексереді, бақылайды, профилактикалық әңгімелесулер жүргізеді.
Шара барысында облыстың учаскелік полиция инспекторлары 470-ке жуық адамды, оның ішінде алкогольді, есірткіні теріс пайдаланатындарды, қолайсыз отбасылар және бұрын бірнеше рет әкімшілік және қылмыстық қылмыстар жасаған адамдарды анықтады және есепке алды. Учаскелік полиция инспекторларының есебінде отбасылық жанжал тудырушылар да бар.
Отбасылық тұрмыс саласында құқық бұзушылыққа жол берген тұлғаларға қатысты 261 қорғау ұйғарымы шығарылды. Қорғау ұйғарымы әйел сот тәртібімен шара қолдануды сұраса да немесе дебоширді кешірсе де, үйдегі зорлаушыға қатысты шығарылады.
Өзіне қатысты қорғау нұсқамасы шығарылған адам автоматты түрде есепке қойылады және учаскелік инспектордың бақылауына алынады.
Егер отбасылық жанжал тудырушы қорғау ережелерін бұзса, ол әкімшілік тұтқындауға алынады.
Қорғау ұйғарымын бұзғаны үшін 63 адамға мінез-құлыққа ерекше талаптар қойылды. Енді әкімшілік тұтқындау түрінде жазасын өтегеннен кейін, олар үш ай ішінде учаскелік полиция пунктіне жүйелі түрде барып, белгіленіп, сот қаулысының барлық талаптарын қатаң орындауы керек.
