Павлодарда асыққан жүргізушілер жауапқа тартылды, – деп хабарлайды Polisia.kz.
– Павлодарда полиция қызметкерлері жол қозғалысын патрульдеу кезінде Камзин-Амангелді қиылысында ГАЗ-3302 автокөлігінің жүргізушісі авариялық жағдай жасап, бағдаршамның қызыл сигналына өтіп кеткені анықталды, – деп хабарлады Павлодар қаласы Патрульдік полиция батальонының командирі Ренат Шарипов.
Жүргізушісінің айтуынша, ол жұмысқа өте асығыс болған, өз іс-әрекеттерінде дұрыс емес екендігімен келіскен.
Осындай өрескел бұзушылық үшін жүргізуші ҚР ӘҚБК 599-бабының 1-бөлігі бойынша әкімшілік жауапкершілікке тартылды.
Көлік жүргізушілері жол ережесін бұзған тағы бір факті туралы полицияға қала тұрғыны хабарлады.
– Мен жолдан өтіп бара жатқанда Audi-100 көлігінің жүргізушісі мені жіберіп алмастан өте жөнелді. Егер мен уақытында тоқтамасам, доңғалақтың астына түсер едім, – деді толқып тұрған әйел.
Полицейлер бұл бұзушылықты бейнебақылау камераларының көмегімен тіркеді, жүргізуші орнатылды. Оған қатысты ҚР ӘҚБК 600-бабының 1-бөлігі бойынша әкімшілік хаттама толтырылды. Жүргізушімен профилактикалық әңгімелесу жүргізілді.
