Көкшетауда көпірден секірмек болған әйел құтқарылды, – деп хабарлайды Polisia.kz.
4 қазанда 12:36-да Көкшетау қаласының ПБ Жедел басқару орталығының 102 арнайы желісіне облыс орталығының 34 жастағы тұрғынынан телефон хабарламасы келіп түсті. ЖБО инспекторы әйелдің дауысы бойынша оның өте мазасыз күйде екенін анықтады.
Әйел отбасының қиын жағдайы оны үмітсіздікке жеткізгенін және қазір ол өзін-өзі өлтіру ниетімен теміржол көпіріне (Көкшетау станциясындағы теміржол үстінен өтетін) бара жатқанын айтты.
Ақпарат дереу полицияның барлық патрульдік экипаждарына берілді. Уақыт табу үшін ЖБО инспекторлары телефон арқылы сөйлесуді мүмкіндігінше созуға және мұндай әрекеттің себебін егжей-тегжейлі білуге тырысты.
Осы уақытта ППБ взвод командирі Олег Герасимов және ППБ инспекторы Қанат Мағубаевтан тұратын автопатруль экипажы оқиға орнына екі минут ішінде келді.
Полицейлер көпірде, көпір қоршауына мұқият қарап, кейінірек орнатылғандай, жоғары вольтты сымдар желісіне секіруге ыңғайлы болатын орынды таңдаған әйелді тапты.
Полиция қызметкерлері әйелді тоқтатуға асықты, сол уақытта көпірдің қарама-қарсы жағында жүрген ер адам мен қыз жүгіріп келіп, полиция қызметкерлеріне әйелді құтқаруға белсенді көмек көрсетті.
Қазіргі уақытта алғыс айту үшін полицейлер әйелді құтқаруда белсенді көмек көрсеткен ер адам мен қыздың жеке басын анықтап жатыр.
