Көкшетауда алаяқ жоқ пәтерлерді жалға берген, – деп хабарлайды Polisia.kz.
Зардап шеккен екі адам Көкшетау қаласының ПБ-не өтініш білдірді. 3 қарашада СҚО-ның 35 жастағы және 23 жастағы тұрғындары полицейлерге белгісіз әйел пәтерді жалға беру сылтауымен алдап, 40 мың теңге сомасында ақша қаражатын иемденгенін хабарлады.
Алдын ала анықталғандай, өтініш берушілер жарнама сайтында орналастырылған жарнаманың авторымен хабарласып, тұрғын үйді жалға алу туралы келіскен. Қаскүнем жәбірленушілерді оның банк картасына алдын ала төлем түрінде ақша аударымының қауіпсіз екеніне сендірді. Ақша алғаннан кейін жарнаманың авторы абоненттік нөмірін өзгерткен.
Жедел-іздестіру іс-шаралары барысында полиция қызметкерлері күдіктіні анықтады, ол 1984 жылы туған Көкшетау қаласының тұрғыны болып шықты.
Екі факт бойынша ҚР ҚК 190-бабы 3-бөлігі (Алаяқтық) бойынша сотқа дейінгі іс жүргізу басталды. Күдіктінің басқа да осыған ұқсас қылмыстарға қатыстылығы тексерілуде.
