Алматы академиясының жеке құрамы мен тыңдаушылары Жазушылар одағының төрағасымен кездесті, – деп хабарлайды Polisia.kz.
Бүгін М.Есболатов атындағы Алматы академиясында қазақтың көрнекті ақыны, Қазақстан Жазушылар одағының төрағасы Ұлықбек Есдәулетов пен Халықаралық Алаш сыйлығының иегері, ақын Бақыт Беделханмен кездесу өткізілді.
Академияның қызметкерлері мен тыңдаушыларына Ұ.Есдәулет көшбасшылық дәріс оқыды.
Академияның жеке құрамы мен тыңдаушыларының ақын-жазушылармен дидарласуының басты мақсаты – полиция қызметкерлерінің халықтың рухани байлығы – әдебиетке деген сүйіспеншілігін арттыру.
Кездесуге келген қонақтарға Академия атынан алғыс ретінде сыйлықтар табысталып, Ұлықбек Есдаулетке Академияның профессоры атағы берілді.
Соңында Қазақстан Жазушылар одағы мен М.Есболатов атындағы Алматы академиясының басшылары өзара ынтымақтастық туралы меморандумға қол қойды.
