Алматы полициясы “Hi-Tech” іс-шарасының бірінші күнінде 7 интернет-алаяқты ұстады, – деп хабарлайды Polisia.kz.
Олардың екеуі – Ресей Федерациясының азаматы. Алматы криминалдық полициясының хабарлауынша, шетелдіктер 65 жастағы зейнеткерді алдап кеткен: олар оның телефонына вирустық бағдарламаны жүктеп алуға көндіріп, оның көмегімен ұялы банкингке қашықтан қол жеткізген, содан кейін шотынан 10 миллион теңге жымқырған.
– Жүргізілген жедел-іздестіру іс-шараларының нәтижесінде күдіктілер – 1977 жылы туған Б.есімді азамат және 1985 жылғы М.есімді азамат ұсталды. Қолға түскен 46 және 38 жастағы азаматтар қамауға алынды. Тағы бір жағдайда 38 жастағы жергілікті тұрғын алаяқтықпен айналысқан. Ол адамдарды алдау, сенімге қиянат келтіру арқылы танысының жеке куәлігі мен банк картасының суретін пайдаланып, оның атына жалпы сомасы 1,3 млн теңгеге несие рәсімдеген, – деді Алматы қалалық полиция департаменті бастығының орынбасары Дидар Аханов.
Еске сала кетейік, Алматыда 20 қараша мен 22 қараша аралығында интернет-алаяқтықпен күресу шараларының тиімділігін арттыруға бағытталған “Hi-Tech” жедел алдын алу іс-шарасы жүргізіліп жатыр.
– Интернет желісінің танымал болуымен қызметтерді және көптеген қызмет түрін цифрландырумен интернеттегі алаяқтықтың әдістері мен түрлері, сондай-ақ ақпараттық-коммуникациялық желілерді пайдаланатын ұрлық көбейіп келеді, сондықтан біз азаматтарды интернеттегі алаяқтық және оларды онлайн қызметтерді пайдалануда, сондай-ақ интернет арқылы тауар сатып алуда сақ болуға шақырамыз, – Аханов.
