Алматыда дүкен ұрысы қолға түсті, – деп хабарлайды Polisia.kz
Медеу аудандық полиция қызметкерлері дүкендерден ұрлық жасау деректерін анықтады.
– ҚР ҚК-нің 188-бабы 3-бөлігінің 2-3-тармағында көзделген қылмыстық құқық бұзушылықты жасады деген күдікпен 37 жастағы Б. есімді азамат ұсталды. Тергеу барысында күдікті заңсыз баю мақсатында түнгі уақытта терезелерді сындырып, дүкендерге кіріп, кассадан ақша мен халық тұтынатын тауарларды ұрлағаны анықталды. Қаскөй ұсталды. Ол біздің аудан аумағындағы екі дүкеннен ұрлық жасағанын мойындады, – деді Медеу аудандық Полиция басқармасының бастығы Дәурен Өтебаев.
Спикердің айтуынша, қазіргі уақытта күдіктінің Алматы қаласы бойынша осыған ұқсас, бұрын жасалған қылмыстарға қатысы бар-жоғы тексерілуде.
– Осы адамның қылмыстық әрекетінен зардап шеккен азаматтар бар болса, Медеу аудандық ПБ-ның кезекші бөліміне немесе мына телефон нөмірлеріне хабарласуларыңызды сұраймыз: 8 (727) 254-48-02; 254-48-10 және 8-702-476-66-60, – деп атап өтті Д. Өтебаев.
