Алматыда коттедж тонауды кәсіп еткен үшеу қолға түсті, – деп хабарлайды Polisia.kz.
Алматы қаласының криминалдық полициясының хабарлауынша, шабуыл жасаған үш адамды арнайы жасақ 34 жастағы алматылық азаматтың жеке үйін тонағаннан кейін ұстады, олар ақша мен зергерлік бұйымдарды ұрлап кеткен.
– Топта 38, 35 және 31 жастағы үш ер адам бар. Олар бұрын сотталғандар. Қалада Toyota Camry көлігімен жүрген. Күдіктілердің қылмыстық әрекеті арнайы және жедел шаралардың нәтижелерімен расталды. Қазір олардың төрт пәтер ұрлығына қатыстылығы анықталды. Олар тек жеке коттедждерді тонап жүрген. Олар өздерімен бірге сандық жабдықты, жинақ пен зергерлік бұйымдарды алып кеткен. Біздің жедел деректерге сәйкес, күдіктілердің ұрланған мүлікті тұрақты өткізетін сауда орындары болған. Сатып алушылар да ұсталып, жазаланатын болады, – деді Алматы қалалық полиция Департаменті бастығының орынбасары, Берік Әбілбеков.
Күдіктілер уақытша ұстау изоляторына қамалды. Заттай айғақтар тәркіленді.
