Ақмолалық азаматтың телефонын ұрлаған азамат анықталды, – деп хабарлайды Polisia.kz.
Ақмола полицейлері бұрын жасалған қылмысты ашты. Қосшы қаласы ПБ кезекші бөліміне ұрлықтың құрбаны болған жергілікті тұрғын өтініш білдірді. Ер адамның айтуынша, 8 мамыр күні дәмханада достарымен демалу кезінде ол Samsung Galaxy s22 Ultra телефонының жоғалғанын анықтады. Жәбірленушіге келтірілген залал сомасы шамамен жарты млн теңгені құрады.
Полиция бөлімі бұл деректі ҚР ҚК-нің 188-бабы (Ұрлық) бойынша СДТБТ-да тіркеді.
Криминалдық полиция бөлімінің қызметкерлері күдікті адамды анықтауға бағытталған жедел-іздестіру іс-шараларын өткізді.
Жиналған ақпарат негізінде жедел уәкілдер қаскүнемді анықтап, оны Аршалы ауданында ұстады.
Ұрлаушы бұрын тонау үшін қылмыстық жауапкершілікке тартылған Шығыс Қазақстан облысының тұрғыны, ұры-гастроллер ретінде полиция органдарында есепте тұрған тұлға болып шықты. Заттай дәлел, атап айтқанда жәбірленушінің ұялы телефоны тәркіленді.
