Ақтөбе облысы ПД ғимаратында полицияның сервистік моделіне көшу таныстырылды, – деп хабарлайды Polisia.kz.
Ағымдағы жылдың 16 қарашасында Ақтөбе облысы ПД ғимаратында полицияның сервистік моделіне көшу таныстырылды, оған облыс әкімінің бірінші орынбасары Р.Хамбаров, Ақтөбе облыстық мәслихатының депутаттары мен қоғамдық кеңес мүшелері шақырылды.
Қонақтар мемлекет басшысы ішкі істер органдары мен Ішкі істер министрлігінің алдына қойылған полицияның сервистік моделін енгізу және өңірде цифрландыруды дамыту жөніндегі міндеттердің іске асырылу барысымен танысты.
Облыстық ПД бастығының міндетін атқарушы Қ.Алиев қатысушыларға облыстағы криминогендік жағдайдың жай-күйі туралы, сондай-ақ ІІМ жүйесінде жүргізіліп жатқан реформа шеңберінде қабылданып жатқан шаралар туралы баяндады. Қазіргі уақытта ІІМ жүйесінде ұйымдық-штаттық құрылымды оңтайландырудан және тән емес функцияларды алып тастаудан бастап, полиция қызметкерлерін әлеуметтік қорғауды жақсартуға дейінгі кең ауқымды реформа жүргізіліп жатыр.
Бастапқы кезеңде 287 штаттық бірлік қысқартылды, 26 басшылық лауазымды, сондай-ақ артық басқару буындары мен лауазымдар жойылды.
Жергілікті полиция қызметінің жүйесін «сервистік полиция» қағидатымен жетілдіру жобасы шеңберінде жаңа тетіктер, құралдар мен жұмыс әдістері енгізілуде.
Полицияның сервистік моделі – полицияның, профилактика субъектілерінің және жұртшылықтың қауіпсіздік деңгейін және билік органдарына деген сенімді арттыру мақсатында қауіпсіздікті қамтамасыз ету проблемаларын шешу жөніндегі бірлескен қызмет. Негізгі аспект – азаматтарға полицияға қол жетімділікті барынша жеңілдетуге бағытталған қадамдық қол жетімділік.
Ағымдағы жылы Ақтөбе облысының орталығында бес стационарлық полиция бекеті орнатылды, онда азаматтар тәуліктің кез келген уақытында барлық сұрақтар бойынша жүгіне алады. Сондай-ақ, біз ең криминогендік учаскелерді анықтадық. Ал жол картасын жүзеге асыру аясында бес жыл ішінде 12 стационарлық модульдік бекет пен 16 учаскелік полиция пунктін салу жоспарланған. Облыста сервистік модельді енгізу процесі ағымдағы жылдың екінші жарты жылдығынан басталды.
Мәселен, облыстық ПД алдына қойылған міндеттердің бірі – бұл полиция бөлімшелерінің үй-жайларында, атап айтқанда арнайы мекемелерде, азаматтарды уақытша ұстау бөлмелерінде, қаруды сақтау және беру бөлмелерінде, кезекші бөлімдерде, ішінара тергеушілер мен анықтаушылардың кабинеттерінде жаппай бейнебақылау жүйесін енгізу. Бүгінгі таңда 979 бейнекамера орнатылған.
Одан әрі халық Жедел басқару орталығының жұмысымен танысты, оларға телефондағы қосымшаның көмегімен қылмыстар мен оқиғалар туралы бейне хабарлама жіберуге болатын «Омниканалдылық» жүйесінің жұмысы көрсеттілді. Қанат Алиев депутаттарды «Азаматтарға арналған қабылдау« бөлмесіне өткізіп, модульдік стационарлық бекет пен учаскелік полиция пунктінің жұмысымен таныстырды.
Жалпы, өңірдегі жедел және қоғамдық-саяси жағдай тұрақты. Жеке құрам мемлекет басшысы мен Ішкі істер министрлігінің алға қойған өңірдегі құқықтық тәртіпті қамтамасыз етуге, халықтың сенім деңгейін арттыруға және азаматтардың барлық өзекті сауалдарына жедел ден қоюға бағытталған. Қоғамдық орындарда және көшелерде рецидивті, топтық, мас күйінде жасалған және кәмелетке толмағандар арасындағы қылмыстар азайды.
Кездесу соңында Руслан Хамбаров жергілікті атқарушы органдар құқық қорғау органдарын озық техникалық құралдармен жабдықтау бойынша жан-жақты көмек көрсететініне сенім білдірді.
